Nesër do të fillojë bllokada shumëditore e pikave kufitare drejt Kosovës.
Kryetari i së ashtuquajturit asociacion i qytetarëve të Qarkut të Mitrovicës për Kosovë, Rasha Rojeviq, ka njoftuar se bllokada do të organizohet nga shoqatat vendase të qytetarëve nga Kosova.
Zëvendësdrejtori për veriun e Kosovës, Veton Elshani, në një prononcim për IndeksOnline ka dhënë detajet e parë për ditën e nesërme.
Elashani tha se Policia e Kosovës është në veri të vendit me numër të mjaftueshëm.
“Sipas informacioneve që i kemi do të ketë bllokadë nesër nga ora 18:00, Policia e Kosovës është në veri të vendit me numër të mjaftueshëm. Informacionet që i kemi na është që ata do të mendojnë të bëjnë bllokada edhe ka kulla. Plane të ndryshme operacionale kemi për situata të ndryshme”, ka thënë Elshani për IndeksOnline.
Elshani theksojë se nuk presin eskalim të situatës por nëse ka janë ai tha se janë të gatshëm të reagojnë.
“Mirë është, nuk presim ndonjë gjë të madhe me u bo, nëse ndodh ne jemi të gatshëm të reagojmë”, u shpreh Elashani.
