Presidenti në largim i Shqipërisë, Ilir Meta është pritur me nderime të larta shtetërore nga presidentja e Kosovës, Vjosa Osmani.
Osmani dhe Meta do të kenë takim teksa më pas do ta mbajnë një konferencë të përbashkët për media.
Presidenti shqiptar ka arritur dje në mbrëmje në Kosovë, ku është pritur në pikën kufitare nga ministrja e Jashtme, Donika Gërvalla.
Meta sot do të takohet edhe me krerët tjerë institucional të vendit, ndërsa po sot, në një seancë të veçantë, do t’u drejtohet edhe deputetëve të Kuvendit të Kosovës.
Meta do ta përmbyllë mandatin e tij si president duke ia lënë vendin tashmë presidentit të ri shqiptar, Bajram Begaj./KosovaNews/
