Policia e Kosovës i ka iniciuar dy raste si “hetim i vdekjes”, për dy persona që kanë vdekur më 2 dhe 3 shtator, e një e ka iniciuar si “vdekje e dyshimtë” në Kamenicë.
Njëri rast është regjistruar në Podujevë, ku një person i gjinisë mashkullore ka vdekur derisa po trajtohej në Qendrën Klinike e Universitare të Kosovës (QKUK).
Me vendim të prokurorit, trupi i pajetë është dërguar në Institutin e Mjekësisë Ligjore (IML) për obduksion.
Ndërsa, rasti i dytë është regjistruar në Rahovec të dielën, ku një person është dërguar pë QKMF pa shenja jete.
Vdekjen e burrit e ka konstatuar ekipi mjekësor, e me vendim të prokurorit, trupi i pajetë është dërguar në IML për obduksion.
“Në QKMF është dërguar pa shenja jete viktima mashkull kosovar. Vdekjen e viktimës e ka konstatuar ekipi mjekësorë. Me vendim të prokurorit trupi i pa jetë i viktimës është dërguar në IML për obduksion”, thuhet në njoftimin e plotë.
Ndërsa, në Kamenicë është gjetur pa shenja jete një person të dielën.
“Është gjetur pa shenja jete viktima mashkull kosovar. Vdekjen e viktimës e ka konstatuar ekipi mjekësorë në vendin e ngjarjes. Me vendim të prokurorit trupi i pa jetë i viktimës është dërguar në IML për obduksion”, njoftoi Policia.
