Një grua nga Rahoveci është dërguar dje në strehimore për shkak të dhunës që dyshohet se vazhdimisht i kanë shkaktuar bashkëshorti i saj dhe dy djemtë.
Në raportin 24 orësh të policisë thuhet se palët janë intervistuar dhe me vendim të prokurorit njëri nga të dyshuarit është arrestuar dhe dërguar në mbajtje, ndërsa dy të tjerët janë liruar.
“Viktima femër kosovare, ka raportuar se bashkëshorti dhe dy djemtë e saj, në vazhdimësi janë duke ushtruar dhunë fizike dhe psikike ndaj saj. Palët janë intervistuar dhe me vendim të prokurorit njëri nga të dyshuarit është arrestuar dhe dërguar në mbajtje ndërsa dy të tjerët janë liruar”, njofton Policia.
