Kosova U22 në kategorinë e grave ka fituar pikë në Kampionatin Ballkanik të Beach Volley në ndeshjen kundër Serbisë pasi kjo e fundit nuk u shfaq fare në fushë për të zhvilluar ndeshjen.
Lajmin e ka bërë të ditur vet Federata e Volejbollit përmes një postimi në Instagram.
“Serbia nuk u paraqit në fushë, andaj kjo nënkuptoi që vashat tona (Yllka Jashari/Melirona Avdullahu), të drejtuara nga Vildane Jashari, fituan pikët e para në këtë Kampionat Ballkanik, i cili është duke u mbajtur në Maqedoninë e Veriut”, thuhet në njoftim.
