Shefi i Grupit Parlamentar të Aleancës për Ardhmërinë e Kosovës (AAK), Besnik Tahiri, ka thënë se Testi i Arritshmërisë dhe Maturës, ka qenë një proces të cilin Ministria e Arsimit e ka mbikëqyrur në mënyrë aspak profesionale dhe kaotike.
Pjesa e dytë e Testit të Arritshmërisë për nxënësit e klasave të nënta u mbajt dje në tërë Kosovën. Si zakonisht, pati rrjedhjeve të pyetjeve në platforma të ndryshme sociale.
Tahiri ka thënë se viktima të këtij procesi të menaxhuar dobët nga ana e MAShT-it, janë vetë nxënësit.
“Është e papranushme tendenca e MASHT-it për të shpërndarë përgjegjësinë, ku s’i kursyen as nxënësit, për një proces për të cilin nuk siguroi as menaxhim, as mbikqyrje, as informim, as cilësi. Në fakt, nxënësit janë viktima të një menaxhimi të dobët”, ka shkruar Tahiri në Facebook.
Për muaj me radhë, sipas Tahirit, nuk pati asnjë informim nga MAShT-i, se cila është rëndësia e Testit të Arritshmërisë dhe Maturës, “sikurse nuk kishte as informim as sensibilizim zero, gjithçka rutinë”.
“Përgjatë gjithë kohës nuk pati asnjë debat rreth asaj se si mund të përgatiteshin më mirë nxënësit, dhe çfarë mund të bënin mësimdhënësit dhe prindërit në këtë drejtim. Pra as informim as përfshirje, sikur dështimi dhe mosarritshmëria e nxënësve të ishte qëllim. Është e papranushme tendenca e MASHT-it për të shpërndarë përgjegjësinë, ku s’i kursyen as nxënësit, për një proces për të cilin nuk siguroi as menaxhim, as mbikqyrje, as informim, as cilësi. Në fakt, nxënësit janë viktima të një menaxhimi të dobët”, ka shtuar Tahiri.
Deputeti i AAK-së ka paralajmëruar se pas shpalljes së rezultateve do ta ftojnë në interpelancë ministren e Arsimit, Arbërie Nagavci dhe do të kërkojnë një rezolutë për suspendimin e procesit, në bazë të provave.
Postimi i Tahirit:
Grupi ynë parlamentar, po pret rrezultatet, dhe deri atëherë do t’i bëjë disa veprime:
Nga e sot, Zyra e Grupit Parlamentar është e hapur për çfarëdo komunikimi me prindër, të cilët janë të pakënaqur dhe kanë evidencë për manipulime, keqmenaxhim dhe padrejtësi që u janë bërë nxënësve.
Po ashtu, ankesat mund të drejtohen në emailin tonë: [email protected] ose telefon: 03820010115.
Pas daljes së rezultateve dhe me evidentimin e menaxhimit të keq, do të bëjmë dy veprime:
1. Do të ftojmë në interpelancë ministren e MAShT-it;
2. Do të kërkojm votim të një Rezolute për suspendimin e këtij procesi, gjithmonë në bazë të evidencës.
