Një qytetar nga komuna e Pejës është arrestuar dje pas mesnate nga Policia e Kosovës.
Deri tek arrestimi ka ardhur pasi qytetari në gjendje të dehur e ka kanosur një pjesëtar të Policisë së Kosovës.
“Në orën 01:03, një mashkull kosovar është arrestuar për shkak se në gjendje të dehur, kishte kanosur verbalisht zyrtarin policor derisa ishte në detyrë”, thuhet në një njoftim të Policisë.
I dyshuari pas intervistimit me vendim të prokurorit është dërguar në mbajtje për 48 orë deri në marrjen e një vendimi tjetër nga organet e drejtësisë./KosovaNews/
