Shtetet e Bashkuara të Amerikës e kanë shpallur non-grata kryetarin e Komunës së Strugës, Ramiz Merko, gruan dhe tre fëmijët e tij.SHBA e konsideron të papërshtatshme hyrjen e tij në atë vend, për shkak të përfshirjes së tij në korrupsion të konsiderueshëm.“Përderisa shërbente si kryetar i komunës së Strugës, Merko shpërdoroi fondet dhe ndërhyri në proceset gjyqësore dhe të tjera publike, duke dëmtuar besimin e publikut në institucionet dhe zyrtarët demokratikë të Maqedonisë së Veriut” – thuhet në njoftimin e Departamentit të Shtetit.
Sipas SHBA-ve, ky është mesazh se ata qëndrojnë me Maqedoninë e Veriut për të nxitur stabilitetin përmes forcimit të institucioneve demokratike dhe adresimit të mangësive të sundimit të ligjit.“Ky emërtim ripohon angazhimin e Shteteve të Bashkuara për të luftuar korrupsionin, i cili dëmton interesin publik, pengon prosperitetin ekonomik të vendeve dhe pakëson aftësinë e qeverive për t’iu përgjigjur në mënyrë efektive nevojave të njerëzve të tyre” – është shkruar tutje.Dy vite më parë, hyrja në SHBA i ishte ndaluar edhe ish-kryeministrit të Shqipërisë, Sali Berisha.
