Spanja është treguar më e saktë në ekzekutimin e penalltive përballë Kroacisë, për ta fituar trofeun e Ligës së Kombeve në edicionin 2022/2023, pas finales së Roterdamit, ku koha e rregullt dhe vazhdimet u mbyllën pa gola (0-0).
Gavi pati një nga mundësitë e para për spanjollët, me kroatët që kërkuan më shumë në vijim të takimit.
Ivan Perisic pati ndër rastet për t’u përmendur në fraksionin e parë të lojës, megjithatë skuadrat shkuan në pushim me rrjetat e paprekura.
Futbollistët e Kroacisë hynë në pjesën e dytë më të vendosur për ta gjetur golin dhe krijonin raste të njëpasnjëshme, megjithëse u mungonte finalizimi.
Në anën tjetër, La Roja tregohej e rrezikshme kohë pas kohe duke mos arritur ta imponojë tempin e vet të lojës.
