Sot pritet të filloj zbatimi i Rregullores së Bashkimit Evropian 2023/850 e cila mundëson liberalizimin e vizave për Kosovën.
Këtë e bëri të ditur drejtori i Institutit Epik, Demush Shasha, i cili tha se nga sot autoritetet kufitare të BE-së, do të fillojnë nga sot përgatijet për t’u siguruar se nga 1 janari legjislacioni respektiv do të zbatohet në të gjitha pikë kalimet kufitare të zonës Shengen
“Nga sot fillon zbatimi i Rregullores së BE-së 2023/850. Me fjalë të tjera nga sot liberalizimi i vizave për Kosovën është ligj i aplikueshëm në të gjithë zonën Shengen. Ndonëse praktikisht qytetarët e Kosovës do të mund të lëvizin lirshëm drejt zonës Shengen nga 1 janari, nga sot autoritetet kufitare të BE-së fillojnë përgatitjet e nevojshme për të siguruar se nga 1 janari legjislacioni respektiv do të zbatohet në të gjitha pikë kalimet kufitare të zonës Shengen”, ka thënë Shasha.
Qytetarët e Kosovës, zyrtarisht mund të udhëtojnë pa viza në zonën Schengen më 1 janar 2024.
