Një 17-vjeçar është arrestuar nga Policia në Ferizaj pasi dyshohet se ka kryer në bashkëveprim vjedhje dhe tentim vjedhje.I njëjti po dyshohet për tri raste, ku janë vjedhur vetura dhe dy tentim vjedhje në shtëpi.Sipas Policisë, i dyshuari S.Xh. është i pëfshirë në vjedhjen e një veture ‘Pikap’, një veture të tipit ‘Passat’ dhe një kamionete ‘Mercedes’.
“Me datën 04.04.2023 në rrugën ‘’ Isa Boletini’’ është vjedhur një veturë pikap, me datën 04.04.2023 në rrugën ‘’Rexhep Bislimi’’ është vjedhur një veturë e tipit Passat, me datën 11.04.2023 në rrugën ‘’Daut Dauti’’ është vjedhur një kamionet e tipit Mercedes, me datën 11.04.2023 në rrugën ‘’Rexhep Bislimi’’ është tentuar të vjedhet në një shtëpi banimi, me datën 11.04.2023 në rrugën ‘’Riza Goga’’është tentuar të vjedhet në një shtëpi banimi dhe të vjedhet një veturë”- thuhet në njoftimin e Policisë.I dyshuari me vendim të prokurorit është ndaluar në mbajtje për 24 orë.Policia ka njoftuar se automjetet e vjedhura pas përfundimit të procedurave u janë kthyer pronarëve.
