Dy ushtarakë të FSK-së, po marrin pjesë në garën “Best Warrior 2023”. Ministri i Mbrojtjes i Kosovës, Armend Mehaj njoftoi se gara është duke u zhvilluar në shtetin e Iowa në ShBA.
“Duke testuar kështu njohuritë e tyre në disa disiplina si: Lëvizjet taktike luftarake; ngjyrosja dhe kamuflimi; operacionet e MKAB-së; radio operacionet; kalimi në fushat e minuara”, deklaroi ministri.
Duke uruar ushtarët në këtë garë që pritet të jetë sfiduese për ta në aspektin fizik dhe mental, ministri falënderoi Gardën Kombëtare të Iowas, për partneritetin e shkëlqyer, bashkëpunimin e vazhdueshëm në avancimin profesional të ushtarakëve të Kosovës dhe shkëmbimin e përvojave.
