Sot tri tërmete janë regjistruar në rajonin “Peace River” në Alberta, Kanada.
Sipas mediave të huaja, përcjell Telegrafi, tërmeti i parë, me magnitudë 4.5 ballë, ndodhi në orën 08:46 dhe u regjistrua 30 kilometra në lindje-verilindje të Reno.
Një tërmet i dytë, me magnitudë 4.6 ballë, është regjistruar gjithashtu në orën 08:46.
Më vonë, në orën 9:07 të mëngjesit, një tërmet i tretë me magnitudë 4.6 u regjistrua në të njëjtin rajon pranë Reno.
Megjithëse nuk ka raporte për dëme materiale, njerëzit në rajone të tjera raportuan se i ndjenë lëkundjet.
Earthquakes Canada thotë se nuk pritet të ketë pasur dëme si pasojë e tërmetit.
Kjo zonë thuhet se ka përjetuar aktivitet të shpeshtë sizmik, duke përfshirë një tërmet me magnitudë 5.1 ballë në nëntor të vitit 2022.
