Në Shtetet e Bashkuara të Amerikës ka ndodhur dështimi më i madh i një banke që nga kriza financiare e vitit 2008. Pas panikut të investitorëve, banka Silicon Valley (SVB) falimentoi dhe u mor nën kontrollin e institucionit amerikan të sigurimit të depozitave të premten, shkruan CNN.
Rënia e bankës gjigante financiare ka ngritur shqetësime nëse bankat e tjera mund të përballen me probleme të ngjashme.
Pasi u bë e ditur të mërkurën se SVB-ja kishte humbur 1.8 miliardë dollarë, kursimtarët/depozituesit u kapën nga paniku dhe menaxherët e SVB-së u përpoqën të forconin pozicionet e tyre kapitale duke shpallur shitjen e aksioneve të bankës, por dështuan.
Për shkak të shqetësimit të investitorëve se diçka e ngjashme mund të ndodhë me bankat e tjera në bursë, 52.4 miliardë dollarë nga vlera e tregut të aksioneve të tyre u fshinë.
Megjithatë, nuk pritet që të ndikojë në bankat e tjera. Shumë banka të mëdha amerikane konvertuan një pjesë të depozitave në obligacione afatgjata gjatë pandemisë, ekspertët interpretojnë se operacionet e SVB-së janë megjithatë specifike dhe nuk duhet të flitet për rrezik sistemik për sistemin financiar si në vitin 2008.
SVB-ja është një bankë 40-vjeçare që merret kryesisht me monitorimin financiar të kompanive fillestare. Rënia e saj do të mbetet e shkruar me shkronja të mëdha në historinë e bankave amerikane, sepse është jo vetëm banka më e madhe që ka dështuar që nga kriza e vitit 2008, por edhe e dyta më e madhe ndonjëherë.
Për momentin, pyetja kryesore është se si të mbrohen 175 miliardë depozitat e mbetura në bankën SBV. Ka nisur një proces gjatë të cilit depozitat do të transferohen në një nga institucionet e shëndetshme financiare.
Vlera totale e aseteve të menaxhuara nga SVB arriti në 209 miliardë dollarë në fund të vitit 2022.
Një pjesë e konsiderueshme e fajit për falimentimin e SVB-së dhe telashet e reja të sistemit financiar amerikan mund t’i atribuohet ish-presidentit amerikan Donald Trump, i cili në vitin 2018 nxiti në mënyrë agresive lehtësimin e kërkesave rregullatore për bankat rajonale.
