Një person i moshës së shtyrë, respektivisht 71-vjeçar është intervistuar nga Policia e Kosovës, pasi ai dyshohet se ka shtënë me armë zjarri sot herët në mëngjes në orën 07:07 në Mitrovicë.
Sipas në njoftimi të Policisë së Kosovës, posa është marrë informata për të shtëna me armë, menjëherë janë ndërmarrë veprime të shpejta policore.
“Sot me datë 21.07.2022, rreth orës 07:07, në Stacionin Policor Jug-Mitrovicë është pranuar informata për të shtëna me armë zjarri. Me të pranuar informacionin janë ndërmarrë veprime të shpejta policore, ku pas një kohe të shkurtër në rrugën ,,Sadullah Avni Dibrani” – Mitrovicë është identifikuar vendi nga ku ishin dëgjuar të shtënat në një aheng, në cilësi të provave materiale është sekuestruar një (1) armë me gas, një (1) karikator, dhe katër (4) gëzhoja”, thuhet në njoftim
Në cilësi të të dyshuarit është intervistuar N.S. (71 vjeçar), i cili dyshohet se ka shtënë me armë.
Bëhet e ditur se pas intervistimit me urdhër të prokurorit të rastit, i dyshuari është liruar në procedurë të rregullt, ndaj tij është iniciuar rast për veprat penale ‘’Mbajtje në pronësi, kontroll apo në posedim të paautorizuar të armëve” dhe ’’Përdorim i armës apo mjetit të rrezikshëm’’. /KosovaNews/
Foto e armës së sekuestruar nga Policia e Kosovës:
