Vedat Muriqi vazhdon të shënojë pa u ndalur në La Liga. Sulmuesi i Kosovës, gjeti sërish rrugën e rrjetës me fanellën e Mallorcas.

Muriqi shënoi dopietë golash ndaj Osasunës, në barazimin 2-2. “Pirati” zhbllokoi takimin në minutën e 35-të, duke përfituar nga një gafë e portierit kundërshtar.

Lojtari dardan dyfishoi shifrat në minutën e 61-të, me një supergol, duke afruar ekipin e tij me fitoren. Megjithatë, Mallorca shpërdoroi gjithçka në fund, ku pësoi dy gola dhe ndeshja u mbyll në barazim, duke mbetur në vështirësi për mbijetesën.

Me këtë dopietë, Muriqi shkon në kuotën e 18 golave, në vendin e dytë në listën e golashënuesve, pas Kylian Mbappe. Sulmuesi i Real Madrid numëron 23 gola të shënuar.