Duke u nisur nga temperaturat e larta që po dominojnë ne vendin tonë tash e disa ditë , e të cilat do të vazhdojnë si duket edhe për një kohë , Sindikata e Pavarur e Sektorit Privat të Kosovës, u bën thirrje pronarëve të kompanive private që të kenë kujdes me shëndetin e punëtorëve.
“Dihet se punimi ne objekte te larta me temperatura ekstreme te mëdha rrezikojnë drejt për së drejti punëtorët që punojnë në hapësirat e jashtme , andaj ju thërrasim që mund edhe ta ndryshoni orarin e punës që tu përshtateni temperaturave më të ulëta ,sidomos para dhe pas ditës , çdo pakujdesi e juaja kushton me jetë , dhe këtu mendoi se s’duhet pasur pardon”, thuhet në komunikatën për media të Sindikatës së Pavarur të Sektorit Privat të Kosovës .
