Ad image

“Babika” përshëndetet me Prishtinën, kalon te Drita

Jeton Sopa
Jeton Sopa 19:22 -03/06/2022

Skuadra e Prishtinës përmes një njoftimi zyrtar në “Facebook” ka bërë të ditur se futbollisti Besnik Krasniqi e ka përfunduar aventurën e tij me klubin.

Besnik Krasniqi, i njohur ndryshe me nofkën “Babika” pas dy sezoneve me fanellën bardh e kaltër, largohet nga Prishtina pasi që i ka skaduar kontrata.

Po ashtu, Krasniqi dhe Prishtina janë “dashuri e vjetër”, pasi që lojtari ishte pjesë e klubit edhe përgjatë sezoneve 2008-2013.

Ndërkaq, Krasniqi pas aventurës së tij me Prishtinën tani i bashkohet klubit të Dritës, ku nga sezoni i ardhshëm do të ketë në rolin e kundërshtarit “Plisat”.

Në karrierën e tij me Prishtinën, Krasniqi i ka fituar 4 tituj kampion, 1 Kupë dhe tre Superkupa të Kosovës. Në 210 paraqitje në të gjitha garat i ka realizuar 38 gola.

Klubi kryeqytetas i dëshiron shëndet e suksese në aventurën e re te FC Drita futbollistit prishtinas./KP

Shpërndaje