Kryetari i Aleancës për Ardhmërinë e Kosovës, Ramush Haradinaj, ka ngushëlluar familjen Kajtazi pas vdekjes së futbollistit të Trepça ’89, Erion Kajtazi.
Haradinaj u ka shprehur ngushëllime edhe ekipit, kolegëve sportistë dhe të gjithë atyre që e njohën nga afër Erionin.
“I pikëlluar thellë nga lajmi për vdekjen në moshë aq të re të futbollistit të FC Trepça ’89, Erion Kajtazi. Ngushëllime familjes Kajtazi, kolegëve sportistë, FC Trepça ’89, dhe të gjithë atyre që e njohën nga afër. U prehsh në paqe, Erion”, ka shkruar Haradinaj në Facebook.