Drejtoria Rajonale e Policisë Gjilan, Njësitë nga Stacioni Policor në Gjilan, kanë arritur që sot të arrestojnë të personin S.I. (1982), i cili dyshohet se ka kryer grabitje.
Arrestimi i të dyshuarit nga ana e policisë është bërë në momentin kur i dyshuari ka tentuar që të kryej një grabitje në një lokal afarist tregtar në qytetin e Gjilanit.
“I njëjti nën kërcënim të armës fillimisht kishte arritur që nga arka e shitjes punëtorit të marketit të ja grabiste një sasi të konsiderueshme të hollash, por punëtorët tjerë prezent kanë ndërhy dhe kanë arrit që ta ndalin të dyshuarin, gjersa shumë shpejtë njësitet të shumta patrulluese policore kanë arrit në vende të ngjarjes dhe e kanë arrestuar të dyshuarin”, thuhet në njoftimin e Plicisë00.
Në vendin e ngjarjes është konfiskuar një armë e zjarrit ( revole ) e modelit Broëing Belgium’ me katër copë fishekë.
Bëhet e ditur se i dyshuari është intervistuar në bazë të procedurave ligjore në prani të avokatit mbrojtës.
“Gjatë hetimeve në vijim janë gjetë prova të qëndrueshme se ky i dyshuar besohet se është i involvuar edhe në një rast tjetër të grabitjes që ka ndodhë me 16.11.2022 në një pikë karburanti në rrethinën e qytetit të Gjilanit”.
Për rastin është njoftuar prokurori i shtetit i cili ka urdhëruar që ndaj të dyshuarit të caktohet masa e ndalimit për 48 orë, gjersa hetimet rreth rasteve të cekura më lartë po kryhen nga Policia e Kosovës, njësiti i hetimeve rajonale në Gjilan./KosovaNews