Ad image

Raportuesi i PE-së: Serbia të zgjedhë mes BE-së e Putin-it

Alban Begolli
Alban Begolli 09:28 -14/06/2022

Raportuesi i Parlamentit Evropian për dialogun me Moskën dhe ish-kryeministri i Lituanisë, Andrius Kubilius, ka deklaruar se Serbia duhet të bëjë një zgjedhje në politikën e saj të jashtme.

“Ose të vazhdojë marrëdhëniet e saj me regjimin e Putin-it, të cilin shumë e quajnë fashist ose Serbia të lëvizë në drejtimin e politikës së Bashkimit Evropian, që të mbështetet Ukraina, që të kundërshtohet regjimi i Putin-it dhe për të parë mundësinë e një Rusie tjetër pas tij”, tha Kubilius për N1.

Kujtojmë se eurodeputetët po i kërkojnë komisionarit të BE-së për Punët e Jashtme Josep Borrell që të sanksionojë 13 individë të përfshirë në persekutimin e liderit të opozitës ruse Vladimir Kara-Murza dhe rezoluta e Parlamentit Evropian për Serbinë përfshin një amendament që shpreh shqetësimin për përgjimin e dy opozitarëve rusë në Beogradit dhe ofrimit të informacioneve rreth tyre te shërbimet ruse të sigurisë.

“Unë do t’i bëj thirrje qeverisë në Serbi të jetë mjaft e guximshme dhe të duket afatgjatë. Putin dhe regjimi i Kremlinit nuk janë Rusia, ata nuk përfaqësojnë Rusinë, mund të jetë dhe do të jetë ndryshe, dhe Serbia duhet të përgatitet për një Rusi tjetër dhe të investojë në marrëdhëniet me atë Rusi që po vjen, një Rusi demokratike. Në rastin e Kara-Murza, raporti i Parlamentit Evropian është nuk është mirë për Serbinë, andaj Serbia duhet të bëjë një zgjedhje se në cilin drejtim do të shkojë në politikën e saj të sigurisë dhe të jashtme”, theksoi raportuesi i Parlamentit Evropian për dialogun me Moskën.

Ai ka përkujtuar se vendet që duan të anëtarësohen në Bashkimin Evropian, përfshirë Serbinë, duhet t’iu bashkohen politikave evropiane.

“Dhe tani, lufta e Rusisë kundër Ukrainës çështjet e marrëdhënieve midis vendeve të ndryshme me Rusinë janë intensifikuar. Vendet kandidate duhet të marrin vendime të qarta, cili është pozicioni i tyre? A do ta mbështesin Putin-in deri në fund të regjimit të tij apo do të mbështesin si vende demokratike në Evropë Ukrainën dhe do të luftojnë regjimin jodemokratik, autoritar, madje edhe fashist të Putin-it, dhe ky është vendim i zyrtarëve serbë dhe popullit serb”, tha ai.

Shpërndaje