Ad image

Lekaj: Të hiqet për pesë muaj, akciza e naftës dhe tatimi mbi produktet bazike

Kosova News
Kosova News 12:50 -08/06/2022

Deputeti i Aleancës për Ardhmërinë e Kosovës, ka kërkuar nga Qeveria e Kosovës heqjen për një periudhë pesë mujore të akcizës për naftën, heqjen e tatimit mbi produktet bazike të shportës familjare dhe përkrahjen direkte apo indirekte për të ruajtur zinxhirin ekonomik.

Lekaj ka deklaruar kështu në një konferencë për media, duke shtuar se kjo duhet të bëhet për shkak të inflacionit të lartë në Kosovë dhe rritjes enorme të çmimeve.

“Tek përkrahja nëpërmjet politikave fiskale dhe tatimore, propozojmë heqjen për një periudhë pesë mujore të akcizës për naftën, heqjen e tatimit mbi produktet bazike të shportës familjare, përkrahjen direkte apo indirekte për të ruajtur zinxhirin ekonomik, masa emergjente të rishikimit të çmimeve të kuotuara në projektet e investimeve publike”, tha Lekaj, transmeton Kosovanews.

Ai ka vlerësuar se vizitat e Kurtit janë shtetit, janë një ekskursion, ndërsa ministrat nuk po ndërmarrin masa në të mirë të qytetarëve.

“Madje për secilin propozim, iniciativë të opozitës, nuk ekziston as minimumi i vullnetit për diskutim, apo gjetje të alternativave të përbashkëta. Pra thjeshtë, ende janë në logjikën “Krejt dhe drejt””, u shpreh ai. /Kosovanews/

Shpërndaje