Ad image

Kancelari i Gjermanisë, Olaf Scholz e takon vetëm kryeministrin, Albin Kurti

Kosova News
Kosova News 11:39 -09/06/2022

Vetëm një takim në Kosovë, do ta ketë kancelari i Gjermanisë, Olaf Scholz, dhe ai takim do të jetë me kryeministrin Albin Kurti.

Përveç me të dhe vizitës që do t’u bëjë trupave gjermane që shërbejnë në kuadër të KFOR-it, takime të tjera në Prishtinë, deri të enjten, nuk janë parashikuar.

Kështu kanë deklaruar , Zyra për Media e Qeverisë së Gjermanisë.

Kjo zyrë konfirmon se kancelari gjerman do të mbërrijë në Prishtinë, nesër me 10 qershor në orën 9:45 minuta.

Ai do të pritet në takim nga kryeministri Albin Kurti kurse më pas, në orën 11:30, është përcaktuar të mbahet dhe një konferencë e përbashkët për media.

Me kaq, takimet kancelarit gjerman në Kosovë do të mbarojnë.

“Mbërritja në Serbi është parashikuar në orën 15:00. Atje kancelari do të pritet nga presidenti Vuçiq ku do të ketë diskutime me të dhe kryeministren Bërnabiq”.

Bazuar në këtë agjendë, është parashikuar që në orën 16:50 të ketë një konferencë të përbashkët për media të kancelarit Scholz e presidentit Vuçiq.

Kancelari Olaf Scholz, pas Kosovës dhe Serbisë, do të vizitojë edhe Greqinë, Maqedoninë e Veriut dhe Bullgarinë, ku edhe i jep fundit kësaj vizite në vendet e Ballkanit perëndimor.

Të gjitha këto vizita dhe takime do të realizohen me datën 10 dhe 11 qershor./rtk/

TAGGED: ,
Shpërndaje