Sonte me fillim nga ora 19:30, orkestra e Filharmonisë së Kosovës do të mbajë një koncert të veçantë në qytetin e Gjakovës, në ambientet e Pallatit të Kulturës “Asim Vokshi”.
Koncerti do të jetë nën dirigjimin e maestrit britanik Dario Salvi, ndërsa si soliste do të paraqitet sopranoja e mirënjohur shqiptare, Besa Llugiqi.
Programi i mbrëmjes përfshin një përzgjedhje të gjerë veprash nga repertori shqiptar dhe si dhe ai ndërkombëtar.
Pjesë e interpretimit do të jenë kompozime nga emra të njohur të muzikës shqiptare si Rexho Mulliqi dhe Kreshnik Aliçkaj, si dhe vepra të njohura nga kompozitorët botërorë Giuseppe Verdi, Giacomo Puccini dhe Manuel de Falla.
Ky koncer i orkestrës së Filharmonisë së Kosovës, synon të sjellë për publikun gjakovar një përvojë të pasur artistike, duke promovuar muzikën klasike dhe bashkëkohore në një mjedis kulturor të gjallë dhe mikpritës.
