Ministrja e Arsimit, e Shkencës, e Teknologjisë dhe e Inovacionit, ka thënë se rregullimi i profesioneve si dhe njohja e kualifikimeve profesionale janë shtyllat arsimore e angazhimet e tyre këmbëngulëse.
“Rregullimi i profesioneve si dhe njohja e kualifikimeve profesionale janë shtyllat arsimore e angazhimet tona këmbëngulëse. Dedikimi ynë në harmonizimin e kornizës ligjore, zhvillimin tutje të kapaciteteve tona dhe instalimi i praktikave të mira evropiane në njohjen e kualifikimeve profesionale po bashkërendohet ngushtë edhe me Bashkimin Evropian përmes projektit të Mbështetjes së Njohjes së kualifikimeve Profesionale në Kosovë”, ka thënë ajo.
Sipas saj, ekipet kanë krijuar sinergji të reja bashkë me ministritë tjera, me odat profesionale e sektorët përkatëse për avancimin e njohjes së kualifikimeve profesionale, si në gjashtë vendet e Ballkanit Perëndimor ashtu edhe në vendet e BE, paralelisht me përafrimin e integrimit tonë në BE.
