Kandidati për deputet nga Lëvizja Vetëvendosje me numër 50 në listë, profesori Mytaher Haskuka, ka bërë të ditur se bashkë me ministrin Hajrulla Çeku kanë zhvilluar një diskutim me qytetarë dhe mësimdhënës nga Prizreni, ku kanë dëgjuar nga afër kërkesat dhe nevojat kryesore të tyre, si dhe kanë prezantuar reformat që Qeveria Kurti ka ndërmarrë në arsim.
“Një diskutim shumë i vlefshëm sot me qytetarë dhe kolegë nga fusha e arsimit mbi rrugëtimin dhe sfidat tona të përbashkëta”, ka shkruar Haskuka.
Ai theksoi se mbështetja për mësimdhënësit dhe përmirësimi i kushteve të punës në arsim mbeten prioritet, duke shtuar se janë të përkushtuar për hapa konkretë që lehtësojnë dhe avancojnë punën e përditshme të mësimdhënësve.
