Ad image

Kryesia e Kuvendit, sot diskuton për Trustin

Alban Begolli
Alban Begolli 09:49 -13/06/2022

Kryesia e Kuvendit të Kosovës do të mbajë sot mbledhjen e radhës. Mbledhja e Kryesisë ku do të konfirmohet rendi i ditës për seancën e re plenare pritet të mbahet nga ora 11:00.

Në rend dite është edhe shqyrtimi i parë i Projektligjit për plotësimin dhe ndryshimin e Ligjit për fondet pensionale të Kosovës, i plotësuar dhe ndryshuar me Ligjin L-115, me Ligjin 04/L-168 dhe Ligjin nr. 05/L-116.

Kujtojmë se javën e kaluar, shefja e Grupit Parlamentar të LVV-së, Mimoza Kusari-Lila bëri të ditur se në seancën që pritet të caktohet për këtë të enjte në diskutim do të vihet edhe shqyrtimi i projektligjit për Fondet Pensionale të Trustit.

“Seanca e re plenare e Kuvendit do të mbahet, javën e ardhshme të enjten, më 16 qershor. Me listën e pikave që kanë ardhur në kryesi por edhe gjithashtu ato të cilat janë plotësim i agjendës, varësisht nga agjenda e Komisioneve të Funksioneve. Kurse përveç pikave të rendit të ditës, është edhe shqyrtimi i projektligjit për plotësim ndryshimin e ligjit për heqjen e akcizës së duhanit, shqyrtimi i parë i projektligjit për Fondet Pensionale, të Kosovës dhe të tjera”, tha ajo.

Shpërndaje