Për shkak të kushteve atmosferike që po mbizotërojnë në vend, erërat e forta kanë shkaktuar një sërë prishjesh në Ferizaj, Pejë, Mitrovicë, Gjakovë e Gjilan, transmeton KosovaNews.
Kështu ka njoftuar Kompania për Distribuimin e Energjisë Elektrike në Kosovë (KEDS), duke e publikuar numrin kujdestar për qytetarët, ku mund t’i raportojnë reduktimet.
“Ekipet tona janë të mobilizuara në secilin lokalitet dhe po punojnë vazhdimisht deri në sanimin e plotë të prishjeve. Për çdo problem të shfaqur në rrjet ju lutem kontaktoni numrin zyrtar pa pagesë, 0800 791 00 ose kanalet tjera të komunikimit”, thuhet në njoftimin e KEDS.
Nga KEDS, po ashtu është bërë e ditur se janë në gatishmëri të plotë, që intervenimet të kryhen në kohë sa më të shkurtër.
Ndryshe, gjatë ditës së sotme në Kosovë ka pasur reshje shiu të cilat janë shoqëruar me erëra të forta.
Në Prishtinë dyshohet për një të vdekur nga rrëzimi i lisit.
Lexoni Edhe: