Policia e Kosovës ka dhënë detaje lidhur me sulmin me thikë të ndodhur gjatë së shtunës ndaj tre policëve në Prizren.
Siç bën të ditur policia në raportin e saj 24-orësh, një nga zyrtarët policorë të sulmuar gjatë kryerjes së detyrës, është grua.
Më tej thuhet se i dyshuari është narkoman, i cili ishte i mbyllur në një dhomë shtëpie.
“Raportohet se dy meshkuj dhe një femër kosovar-e pjesëtarë të PK-së (në detyrë zyrtare) kanë pranuar tretmanë mjekësor, pasi që gjatë një intervenimi janë therur me thikë nga i dyshuari mashkull kosovar (narkoman) i cili ishte i ngujuar (mbyllur) në një dhomë shtëpie”, thuhet në raport.
I dyshuari është arrestuar dhe me vendim të prokurorit është dërguar në mbajtje.
