Ad image

Rusët po përgatiten që të mbrohen nga përparimi i forcave ukrainase, thotë inteligjenca britanike

Kosova News
Kosova News 09:59 -18/11/2022

Ministria e Mbrojtjes e Mbretërisë së Bashkuar ka publikuar raportin më të fundit të inteligjencës mbi luftën në Ukrainë.

Ai thekson se forcat ruse po vazhdojnë të kenë prioritet riparimin, riorganizimin dhe përgatitjen e mbrojtjes në shumicën e sektorëve në Ukrainë pas tërheqjes së tyre nga perëndimi i lumit Dnipro.

Njësitë kanë ndërtuar sisteme të reja llogore pranë kufirit të Krimesë, si dhe midis rajoneve Donetsk dhe Luhansk dhe disa nga këto vende janë deri në 60 km prapa vijës së frontit aktual.

Kjo sugjeron se rusët po bëjnë përgatitje në rast të përparimeve të mëtejshme të mëdha ukrainase, thuhet në raport.

Ministria vazhdon duke thënë se ka “gjasa” që Rusia do të përpiqet të ridislokojë përfundimisht disa nga forcat e marra nga Kherson për të përforcuar dhe zgjeruar operacionet sulmuese pranë qytetit të Bakhmut në rajonin lindor të Donetsk.

Ndryshe, Rusia ka nisur pushtimin e pajustifikueshëm në Ukrainë më 24 shkurt duke shkaktuar shumë viktima në radhët e civilëve. 

Shpërndaje