Ad image

Gjermani: Treni del nga shinat, të paktën tre të vdekur dhe dhjetëra të lënduar

Jeton Sopa
Jeton Sopa 14:47 -03/06/2022

Të paktën tre persona kanë humbur jetën dhe disa të tjerë janë lënduar rëndë në një aksident treni në Gjermaninë jugore.

Sipas mediave të huaja, treni doli nga shinat në veri të vendpushimit të skive Garmisch-Partenkirchen në Bavari.

Policia tha se treni kishte qenë i ngarkuar në momentin e përplasjes, me shumë nxënës të shkollave që thuhet se ishin në bord.

Një operacion i madh i shërbimeve emergjente është duke u zhvilluar dhe linja hekurudhore aktualisht është plotësisht e mbyllur.

Deri më tani është e paqartë se çfarë e shkaktoi përplasjen. /Telegrafi/

TAGGED: ,
Shpërndaje