Ad image

Kosova mbyll qershorin me statistika më të mira se Anglia në Ligën e Kombeve 

Alban Begolli
Alban Begolli 14:23 -15/06/2022

Ndeshjet kualifikuese të muajit qershor në Ligën e Kombeve tanimë kanë përfunduar, ku përgjatë katër xhirove kishim disa rezultate tejet interesante.

Kombëtarja e Kosovës zhvilloi katër ndeshje gjatë këtij muaji, ku regjistroi dy fitore dhe dy humbje, ndërsa e mbylli Grupin 2 të Ligës C në vendin e dytë, përcjell KosovaPress.

Po ashtu, “Dardanët” në këto katër ndeshje shënuan pesë gola, aq edhe sa pësuan.

Pavarësisht se kjo gjë nuk është pozitive për Kosovën, kjo e fundit ka arritur të regjistrojë statistika më të mira se njëra nga kombëtaret më të forta në botë, ajo e Anglisë.

Anglia e mbylli këtë muaj në Ligën e Kombeve pa e regjistruar as edhe një fitore të vetme, me një bilanc prej dy barazimeve dhe dy humbjeve, kështu duke u renditur në vendin e fundit në Grupin 3 të Ligës A.

Ndërkaq, krahas Kosovës që ka shënuar pesë gola, Anglia ka regjistruar statistikë shumë më të dobët, ku ka arritur të shënoj vetëm një gol, dhe atë nga penalltia.

Më poshtë mund të gjeni statistikat e Kosovës dhe Anglisë përgjatë këtyre katër ndeshjeve në Ligën e Kombeve.

TAGGED:
Shpërndaje