Ministrja e Arsimit, Shkencës, Teknologjisë dhe Inovacionit ka vendosur që t’i përkrah financiarisht nxënësit me IQ të jashtëzakonshme, ata me talente dhe dhunti.
Ministrja Arbërie Nagavci, ka thënë se për këtë qëllim do të ndahen rreth 170 mijë euro.
“Me qëllim të përkrahjes dhe promovimit të nxënësve me IQ të jashtëzakonshme, talente dhe dhunti, kemi marrë vendim për përkrahje financiare për projektet e OJQ-ve që punojnë në këto fusha. E lumtur që edhe këtë vit po ofrojmë mbështetje për organizatat të cilat merren me përkrahjen e këtyre talentëve. Si Ministri do të vazhdojmë të financojmë projektet që kanë në fokus talentët tanë sepse përgatitja e tyre është hap i rëndësishëm edhe për fuqizimin e shtetit tonë. Vlera totale e kësaj përkrahjeje të MASHTI është rreth 170 mijë euro”, thuhet në njoftim.
